لا تسأل اللي قضى ... عمره على صبره !



انا طوتني هموم ... الوقت مـن صغـري



كرهت وضعي ... ولكـن ماقـدرت اكـره



آمالي اللي تجسّد ... في جفـن سهـري



اشوف حالي تغيـر ... واختلـف فأمـره



الحال مزري ... وهم اللي رحـل مـزري



العيد مابه فـرح ... لاصـار بـه عبـره



والدمع مايصـدق إلا ... لا ذرف شعـري



والحزن له داخلي ... سكره ورى سكـره



احاول افيق منها ... و ارتشـف قهـري



ياما زرعت الرجا .... بقطف منـه ثمـره



والشوك ناتج محاصيلي ... علـى فقـري



اصل البحر لو تزيـده ... دمعتـي قطـره



فاض البحر ورتفع مده ... علـى جـزري



لو الاماني تجـي فـي ... وقتهـا بكـره



ما كنت ابتبع سراب ٍ ..... فالعرى يجـري



ياصاحبي لاتزيـد .... المنتظـر حسـره



تراه مابـاع مـن قـدره ....ولا يشـري



احتجت لك في ... قساوة وقتي وعسـره



وين انت في وقتها ! ... كنك ولا تـدري



ياما زعلتك رضـا .... ماينقبـل عـذره



ياما بكيتك فرح .... ماجـاد بـه فكـري



ذكراك جمره وانا ... قلبي علـى الجمـره



لو ماطريتك حـرارة ... جمرتـك تطـري



ما بيك ترحـم فهـد ... وابيـك لا تشـره



لو شفتني ضاقت انفاسي ... على صدري



دنيـاك هـذي تهـد الحلـم ... وتعمـره



لكنها هـدت احلامـي ... علـى عمـري



نسيت انا كيـف انـا ... إلا علـى فكـره



ما قلت لي ويش ... جابك للغلا ! بدري !!




للشاعر / فهد الديحاني ~

تحياتي~

يا ماشاء الله عليكـ
صح لسااانكـ وصح ذوووقكـ وتسسسسسسسسسسلم يدكـ على نقلكـ
الله يعافيكـ أطربتي وأمتعتي بهالقصايد العذبه والروعه
ماهي غريبة دائمآ متميزهـ لاخلا ولاعدم
تحيتي وخالص إحترامي
متـ دُمتِ ـألقة
ولاهنتِ

حافيه
الولهانه
شكراً لكما على تواجدكما ~

احتجت لك في ... قساوة وقتي وعسـره



وين انت في وقتها ! ... كنك ولا تـدري



ياما زعلتك رضـا .... ماينقبـل عـذره



ياما بكيتك فرح .... ماجـاد بـه فكـري



كلماتها روووعه

يعطيكـ العافيه..